بالنسبة لشركات دلتا - وصلــــــــة - تى اى داتــــــــا

يا جماعة انا كنت امبارح 12-2 فى القاهرة و عملت كام مشوار كدة لـ دلتا و وصلة و تى داتا فحبيت أنى احكيلكم يمكن افيدكم بحاجة

بالنسبة لـ دلتا >>>> عنوانها طبعا معروف >>> 79 ش مصدق - الدقى - امام سيتى بنك و جريدة الوطن

هما طالبين ناس تشتغل سيلز ان دوور لفودافون انا جيت اعمل انترفيو فوجئت انه فى واحدة اسمها استاذة ( اسماء ) قالتلى ان انا خريج حقوق بس طالما مفيش تأمينات نقابة المحامين يبقى مش مشكلة لكن طبعا فيه مشكلة ان سنى27 و هما بياخدوا لغاية 25 ف السيلز و انا شايف ان الشركة متشددة شوية و الله أعلم . عموما واحد زميلى كان معايا عمل انترفيو exception عشان كان مفهم اللى كلمه ف الفون موضوع سنه وقاله تعالى و نشوف بعد ما عمل التيست انجليش و آى كيو المهم برضه طلع بسبب السن



بالنسبة لـ وصلة >>>> 17 ش الاهرام - الكوربة - مصر الجديدة - عمارة تويز آر أص و كمبيو مى - امام سينما نورماندى

بعد ماعملنا ابليكيشن و استنينا الدور بتاعنا عملت انترفيو انجليش مع آنسة ( سارة ) والانترفيو تافه جدااااا طبعا بتقولك جاهز نبتدى و تقولك بالانجلش كلمنى عن نفسك و ايه اللى تعرفه عن خدمة العملاء و ايه اللى ممكن تقدمه للشركة و الاسئلة كلها سهلة الصراحة و اى حد يقدر يجاوب عليها بس انا كنت مهنج من السفر و قلة النوم و كنت ف اخر اليوم الساعة 4 العصر باختصار وصلة عاوزين ناس وف أكونتات كتير ( فودافون مصر خدمة عملاء و دعم فنى - وفودافون UK - و تى اى داتا ) و اكونتات كتيرررر المهم انا اتقلشت بحجة انى مش مقيم ف القاهرة و لازم ابقى قريب من مدينة نصر الحى السابع ماعلينا .



بالنسبة لــ تى اى داتا >>> عنوانه 94 شارع التحرير- الدقى -برج المغربى بلازا - الدور السابع



نصيحـــــــــــــــــة >>> ماحدش يروح الا اذا متأكد ان فيه وظائف عشان انا روحت ع الفاضى ورفضوا حتى ياخدوا ال cv وقالوا فيه ايميل ابقى ابعت عليه





آسف ع الأطالــــة و اتمنى اكون افدتكم بحاجة